بديت باسم الي عليه التدابير=علام مافالكون منشي سحابه
الي عطنا من كرم جوده الخير= ولاخاب من يطلب رجاه وثوابه
ومن بعد ذكر الله بديت التعابير= من هاجسن بالجزل عبر جوابه
حي المليك الي يقود الطوابير=من الملوك اهل الصطر والمهابه
أل السعود اهل السيوف البواتير= حكام نجد الي تشابه هضابه
ياما كلو بالشلف روس المشاهير= وعدوهم خلي عشاء للذيابه
وصديقهم يرقى بروس الشناظير= ينال طيب ودوم يرفى جنابه
واثني لبو متعب زبون المخاسير= الحاكم الي عز من ينتخابه
مليكنا الي صطر المجد تصطير= اليا وقف كلن يحسب حسابه
حلال حلحيلن براسه صعاطير= سيفن شطير وقوته من نصابه
حاكم وله في قمة المجد تعبير= ضلعن منيف ومن نصاه التجابه
كرس جهوده للوطن دون تقصير= جاهد وكافح للوطن واعتنابه
امرعن العاجز تساق الفواتير= وجميع شعبه يعتبرهم قرابه
حتى الفقراء في حلاله مخاشير= ومن دون شعبه مازلج قفل بابه
غيثن على بلاده مزونه مزابير= وتشبع جميع المملكه في عقابه
امنن ومان ودارنا دارنا غير= لافيه متعصب ولابه عصابه
اقولها عني وعن ربعي مطير= ربعي مداغيش الوغاء فالحرابه
يعيش ابو متعب حبيب الجماهير= ويالله عسها دعوتن مستجابه
وصلت ربي عد ماغرد الطير= على رسولن دين ربه مشابه